يواصل موقع
" زراعة نيوز " اليوم الحلقة الثانية من حلقات الموظف " أبومطوة
" بوزارة الزراعة ...أبومطوه مش موظف مستهتر ولا حاجة لا سمح الله ... بس هو
راجل قرفان من حياته ... وعنده مشاكل كتيره .. مخلياه واخد علي خاطره حبتين من
الدنيا واللي فيها .. ومصاحب ولاد الحظ ..
أبومطوه موظف
جرئ ..مابيصاحبش غير رؤساء قطاعات مهمين ..عشان يطلع منهم تمن مشاريب اليوم ...
لزوم الخدمات اللي بيعملها لحضراتهم .. أمال هايشتغل ببلاش يعني .. وهما يقبضوا
الألاف كل يوم ... بدل من اللجنة ادي وبدل من اللجنة التانيه ..وهو قاعد بس يفتش
ويراقب في المذكرات اللي كل شوية يحولوها ليه البهوات .. طبعا ماينفعش ...
أبومطوه راجل
صريح ومابيحبش يلف ويدور ...بيقول للحرامي انت حرامي في وشك ...ومن صراحته بيقول
للتخين في الوزارة أنه هو وزمايله شلة حراميه .
الموظف ياه
قصدي الراجل أبومطوه أي حد عليه مخالفات ويوقع تحت ايده المحضر مايقلقش ...يدفع
تمن المشاريب .. السخنة والروحية ...وهاياخد دليل براءته معاه...وتطلع الوزارة هي
اللي غلطانه في حقه ...حتي لو هو موظف مذنب وعليه 2 شهود ... كل مادفع أكتر خد
مميزات أكتر يعني مثلا الموظف المتهم في أي مخالفة إدارية أو ماليه .. لو علي
الفيزيتا شويه للراجل أبو مطوه والحاج رئيس القطاع ... ممكن أبومطوه يخليه يكتب
التقرير اللي هو عايزه ويوقع عليه ابومطوه وزملائه ..
من صفات
أبومطوه الحميدة ، إنه لما بياخد حبوب الشجاعه
ممكن يدخل علي لجنة القيادات اللي المفروض تديله درجة مدير عام ، وأثناء
المقابلة يقولهم ... خدوا بالكم كلنا حرامية ... وماحدش فينا شريف ..
ليست هناك تعليقات:
إرسال تعليق